«Кветкі беларускага слова»

16.03.26 у рамках тыдня беларускай мовы і літаратуры  у вучэбнай групе 3 Ф  адбылося незвычайнае мерапрыемства – літаратурна-фларыстычная гасцёўня «Кветкі беларускага слова» . У аўдыторыі панавала сапраўдная творчая атмасфера , дзе паэтычнае слова перапляталася з прыгажосцю раслін . Удзельнікі гасцёўні даследавалі вобразы кветак у творах класікаў беларускай літаратуры: ад ціхай журбы Максіма Багдановіча  да сакавітай вобразнасці Янкі Купалы . Асаблівасцю мерапрыемства стала тое, што будучыя фларысты  не проста чыталі вершы , але і спрабавалі перадаць настрой паэтычных радкоў праз кветкавыя кампазіцыі . Навучэнцы прадставілі міні-праекты , у якіх тлумачылі, чаму менавіта васілёк , папараць-кветка  ці ружа  найлепш адлюстроўваюць духоўны свет беларускіх паэтаў. Гучалі вершы і ўрыўкі з паэм, прысвечаныя кветкам і роднай прыродзе . Навучэнцы з задавальненнем дзяліліся ўласнымі развагамі  пра тое, як мова прыгожага пісьменства  і мова фларыстыкі  дапамагаюць выказаць пачуцці да Радзімы.